ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 125

02.10.2024


മാരുതാത്മജന്റെകണ്ഠമേറിയാണുനന്ദജൻ
മോദമോടെചന്ദനാൽമെനഞ്ഞുകാണ്മുഭംഗിയിൽ
ചേലിയന്നപീലി,വന്യമാല,സ്വർണ്ണമാലകൾ
ഗോപി,കാതിലുണ്ടുപൂക്കൾ,ചെഞ്ചൊടിയിൽപുഞ്ചിരി

പൊന്നുകസവുള്ളശ്യാമവർണ്ണമുണ്ടുചുറ്റിനൽ
പൊൻതളകൾമിന്നിടുന്നൊരുണ്ണിതൻപദങ്ങളെ
രണ്ടുകൈകളാലെയിമ്പമോടുചേർത്തുനില്ക്കയാ-
ണിന്നുമാരുതാലയത്തിലഞ്ജനതൻപൊന്മകൻ

പവനപുത്രഗദയതുണ്ടുകുഞ്ഞുവലംകയ്യിലാ-
യിടതുകയ്യിൽപൊന്നുമുളംകുഴലുമുണ്ടുകാണ്മതായ്
പവനനഗരിയണയുവോർക്കുവിരവിൽവരമതേകിടാൻ
മരുവിടുന്നവാസുദേവപാദമിന്നുകൂപ്പിടാം

ഗിരിജ ചെമ്മങ്ങാട്ട്