ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 90

18.05.2024

ചന്ദനംകൊണ്ടൊരുപീഠം,അതി-

ലുണ്ണികയറിനിൽക്കുന്നു 

ഉണ്ണിപ്പദങ്ങളിലല്ലോ,തള

മിന്നിത്തിളങ്ങുന്നകാണ്മൂ 

കിങ്ങിണിയുണ്ടുമണികൾ,ഞാന്നു-

തുള്ളിക്കളിക്കുന്നപോലെ 

പട്ടുകൗപീനംനിവർത്തി,കുട്ടൻ-

കക്കാടു,നന്നായിചാർത്തി

കുമ്പമേൽ ഗോപീതിലകം,തിരു-

നെഞ്ചത്തുമൊന്നുകാണുന്നു 

തോളിലുംകാണുന്നുണ്ടല്ലോ,ഇന്ന്

ഗോപീതിലകത്തിൻമേളം!

കൈവള,തോൾവളയെല്ലാം ധരി-

ച്ചിമ്പമായ്നിൽക്കുന്നു കൃഷ്ണൻ

കർണ്ണപുഷ്പങ്ങളണിഞ്ഞും,ഫാലേ 

വർണ്ണത്തൊടുകുറിതൊട്ടും

ചന്തമേറുന്നകിരീടേ,നല്ല

കുന്തളമാലയണിഞ്ഞും 

താമരപ്പൂവുകൊണ്ടല്ലോ,ചന്തം-

ചേരുന്നതോരണമാല

രണ്ടുവനമാലയുണ്ട്,മാറിൽ

മഞ്ജുളകെട്ടിയതാണോ

ശ്രീലകദീപപ്രകാശേ,കാണാം 

ഗോവിന്ദമന്ദസ്മിതങ്ങൾ

മുപ്പാദമുള്ളപീഠത്തിൽ,കേറി 

തൃക്കരംരണ്ടുമുയർത്തി 

തൂങ്ങുമുറിയീന്നുവെണ്ണ,കവർ-

ന്നീടുന്നനില്പല്ലോ കണ്ണൻ!

കൃഷ്ണാ ഹരേകൃഷ്ണ കൃഷ്ണാ ഹരേ

കൃഷ്ണാജയകൃഷ്ണ കൃഷ്ണാ

കൃഷ്ണാമുകിൽവർണ്ണ കൃഷ്ണാ ഹരേ

സച്ചിദാനന്ദഗോപാലാ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 91

19.05.2024

കനകപ്പടിയിട്ടൊരൂഞ്ഞാലിലാണിന്ന് 

കമനീയരൂപനിരുന്നിടുന്നു 

പദപദ്മംമിന്നിത്തിളങ്ങുന്നു,തളകളാൽ 

നയനമനോഹരമായിക്കാണ്മു 

അരയിലൊരുസ്വർണ്ണക്കിങ്ങിണിമേലതാ 

പുതിയതായുള്ളൊരുപട്ടുകോണം 

മൃദുകരമതിലല്ലോവളകളും,തോളത്തു

ചരടാലെകെട്ടുന്നതോൾവളയും 

ഒരുമാങ്ങാമാലയുണ്ടല്ലോ,തിരുമാറി-

ലതിനോടുചേർന്നപതക്കമാല 

വളയത്തിന്മാലകഴുത്തിലുമുണ്ടല്ലോ 

വനമാലയൊന്നുമവനണിഞ്ഞു

കാതിലെപ്പൂവുംതിരുനെറ്റിമേലൊരു 

ഗോപീതിലകവും കാണുന്നുണ്ട് 

ഓമനച്ചെഞ്ചൊടിപ്പൂവിലെ സുസ്മിതം

വേറേതോപൂവായി കണ്ടിടുന്നു

പീതക്കളഭക്കിരീടേമയിൽപ്പീലി 

മൂന്നെണ്ണംകാണുന്നു നന്നുനന്നേ 

കാണാംമുടിമാല മൗലിയിൽരണ്ടെണ്ണം 

തോരണമാലയും കാണുന്നുണ്ട് 

ഓടക്കുഴലരക്കെട്ടിൽതിരുകിയു-

മൂഞ്ഞാലുവള്ളിപിടിച്ചുകൊണ്ടും 

ആരാണുവന്നെന്നെയാട്ടിത്തന്നീടുമെ-

ന്നാരാഞ്ഞിരിപ്പാണുകൃഷ്ണനുണ്ണി 

കുഷ്ണാഹരേജയ കൃഷ്ണാഹരേജയ

കൃഷ്ണാഹരേജയ ചാരുശീലാ 

കൃഷ്ണാഹരേജയ കൃഷ്ണാഹരേജയ

കൃഷ്ണാഹരേജയ ചാരുരൂപാ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 91

19.05.2024

കനകപ്പടിയിട്ടൊരൂഞ്ഞാലിലാണിന്ന് 

കമനീയരൂപനിരുന്നിടുന്നു 

പദപദ്മംമിന്നിത്തിളങ്ങുന്നു,തളകളാൽ 

നയനമനോഹരമായിക്കാണ്മു 

അരയിലൊരുസ്വർണ്ണക്കിങ്ങിണിമേലതാ 

പുതിയതായുള്ളൊരുപട്ടുകോണം 

മൃദുകരമതിലല്ലോവളകളും,തോളത്തു

ചരടാലെകെട്ടുന്നതോൾവളയും 

ഒരുമാങ്ങാമാലയുണ്ടല്ലോ,തിരുമാറി-

ലതിനോടുചേർന്നപതക്കമാല 

വളയത്തിന്മാലകഴുത്തിലുമുണ്ടല്ലോ 

വനമാലയൊന്നുമവനണിഞ്ഞു

കാതിലെപ്പൂവുംതിരുനെറ്റിമേലൊരു 

ഗോപീതിലകവും കാണുന്നുണ്ട് 

ഓമനച്ചെഞ്ചൊടിപ്പൂവിലെ സുസ്മിതം

വേറേതോപൂവായി കണ്ടിടുന്നു

പീതക്കളഭക്കിരീടേമയിൽപ്പീലി 

മൂന്നെണ്ണംകാണുന്നു നന്നുനന്നേ 

കാണാംമുടിമാല മൗലിയിൽരണ്ടെണ്ണം 

തോരണമാലയും കാണുന്നുണ്ട് 

ഓടക്കുഴലരക്കെട്ടിൽതിരുകിയു-

മൂഞ്ഞാലുവള്ളിപിടിച്ചുകൊണ്ടും 

ആരാണുവന്നെന്നെയാട്ടിത്തന്നീടുമെ-

ന്നാരാഞ്ഞിരിപ്പാണുകൃഷ്ണനുണ്ണി 

കുഷ്ണാഹരേജയ കൃഷ്ണാഹരേജയ

കൃഷ്ണാഹരേജയ ചാരുശീലാ 

കൃഷ്ണാഹരേജയ കൃഷ്ണാഹരേജയ

കൃഷ്ണാഹരേജയ ചാരുരൂപാ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 92

20.05.2024

ചമ്രംപടിഞ്ഞിരിക്കുന്നകിശോരനെ-

യമ്പലത്തിലിന്നുകാണാം 

പൊന്നുതളയുണ്ട്,കങ്കണംകയ്യിലും 

നന്ദകുമാരനണിഞ്ഞു 

പൊന്നുങ്കുടത്തിന്റെകുമ്പമേലല്ലയോ

കിങ്ങിണിയൊന്നതാകാണ്മൂ 

പട്ടുകോണംചുളിനീർത്തിയുടുത്തിട്ടു 

കുട്ടൻചിരിച്ചാണിരിപ്പൂ 

കണ്ഠത്തിലുണ്ടഞ്ചുഗോപീതിലകങ്ങൾ

പണ്ടംപോലല്ലോകാണുന്നു 

ഉണ്ടതിന്മേലൊരുമാലവളയമായ് 

ചെന്താമരക്കണ്ണനിന്ന് 

തോൾവളയുണ്ടുഭുജത്തിൽ,തിരുനെറ്റി

ഗോപിക്കുറിയാൽതിളങ്ങി 

പീലിപ്പൂവെച്ചകിരീടത്തിലുണ്ടല്ലാ

താമരപ്പൂമുടിമാല 

മേലെവിതാനമായ് കാണുന്നുമാലകൾ 

ശ്രീലകത്തെന്തുചൈതന്യം!

കണ്ണനുമാറത്തണിയുവാനാരിന്നു

വൃന്ദപ്പൂമാലകൾതീർത്തു!

തങ്കക്കുടമൊന്നുകാണാംവലംകയ്യിൽ 

വെണ്ണതൂകീടുന്നപോലെ

തന്നിടംകയ്യിൽമുരളിയുമായതാ 

പുഞ്ചിരിതൂകുന്നുകൃഷ്ണൻ

കൃഷ്ണാഹരേകൃഷ്ണ

കൃഷ്ണാഹരേകൃഷ്ണ

കൃഷ്ണാഹരേകൃഷ്ണകൃഷ്ണാ

കൃഷ്ണാഹരേകൃഷ്ണകൃഷ്ണ

കൃഷ്ണാഹരേകൃഷ്ണകൃഷ്ണാ

ഗിരിജ ചെമ്മങ്ങാട്ട്.

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 93

21.05.2024

മഞ്ഞമുണ്ടൊന്നുചുറ്റിനിന്നീടുന്ന

കണ്ണനെയിന്നുകാണാംഗുരുപുരേ 

കുഞ്ഞുകാലിലോമഞ്ജീരവും,കയ്യിൽ 

പൊന്നുകാപ്പുമണിഞ്ഞുമിടുക്കനായ് 

കുഞ്ഞുമുണ്ടിനുമേലെകിലുങ്ങുന്ന 

കിങ്ങിണിയുണ്ടഴകുമായങ്ങനെ 

കുഞ്ഞുമാറിലോമാങ്ങമാല,ഗളേ-

ചേർന്നുനല്ലവളയത്തിന്മാലയും 

മാലകൾക്കുനടുവിലായ്,നല്ലൊരു 

ഗോപിയുംതൊട്ടുകാണുന്നുചന്തമായ് 

ചാരുവാം വനമാലകളും,നന്ദ-

ഗോപസൂനുവണിഞ്ഞുകാണാകുന്നു 

തോളിലുള്ളവളയ്ക്കുമാറ്റേകുവാൻ

തോളിലുമുണ്ടുഗോപീതിലകങ്ങൾ

കർണ്ണസൂനവും,നെറ്റിക്കുറിയുമായ്

പുഞ്ചിരിതൂകിനില്പൂകുമാരകൻ

പീലികെട്ടിയപൊന്നിന്മകുടത്തിൽ 

ചാരുവാംമുടിമാലകളുണ്ടതാ

തോരണങ്ങളായല്ലോസരസിജ-

മാലകളുംനിറഞ്ഞതാകാണുന്നു 

വെണ്ണയുണ്ടുവലംകയ്യിലോ,മറു-

കയ്യിലോടക്കുഴലുമായല്ലയോ 

വല്യൊരാളായിഞാനെന്നഭാവേന

മുണ്ടുചുറ്റിനിന്നീടുന്നുമോഹനൻ !

കൃഷ്ണ!കൃഷ്ണാഹരേകൃഷ്ണമാധവാ!

കൃഷ്ണ!കൃഷ്ണാഹരേകൃഷ്ണകേശവാ!

കൃഷ്ണ!കൃഷ്ണാമുരാന്തകാകേശവാ!

കുഷ്ണ!ഭക്തപ്രിയാ,യദുനന്ദനാ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 94

22.05.2024

കാലൊന്നുമെല്ലെ പിണച്ചും,കളേബരം

നേരിയതായിചെരിച്ചുമല്ലോ

ശ്രീലകേ മന്ദഹസിച്ചുനിന്നീടുന്നു 

ശ്രീകൃഷ്ണനുണ്ണി,മിടുക്കനായി

പൊന്നുതോറ്റീടും തളയുണ്ട്,കയ്യിലോ 

ചിഞ്ചിലുംപാടും വളയുമുണ്ട് 

കുഞ്ഞരമേലതാ പുത്തനാംകിങ്ങിണി 

പൊന്മണിഞാത്താൽകുണുങ്ങിടുന്നു 

കോണകമുണ്ടേ,മറഞ്ഞുകാണാം,അര-

ഞ്ഞാണമണികളാലൊന്നുമൂടി

കോമളബാലഗളത്തിൽവളയമാം 

മാലയിണങ്ങിക്കിടന്നീടുന്നു

മാറത്തൊരുമാങ്ങാമാലയോടൊത്തൊരു ഗോപീതിലകവും തൊട്ടുകാണ്മൂ 

ആരണ്യമാലയുംചാർത്തിയിട്ടുണ്ടല്ലോ

ഗോകുലമോഹനനെന്തുചന്തം!

കേയൂരമുണ്ടിരുതോളിലും,ചേരുമ്പോൽ 

ഗോപീതിലകമണിഞ്ഞിട്ടുണ്ട് 

മാലേയംചേരുന്ന തൂമുഖേകാണുന്നു 

ഫാലക്കുറിയും തിളക്കമോടെ 

പൊന്നുകിരീടത്തിൽചുറ്റിക്കാണാകുന്നു 

നന്മുടിമാലകൾഭംഗിയോടെ

കണ്ണനുണ്ണിക്കലങ്കാരമായ്,കാണുന്നു

വൃന്ദയും,തെച്ചിയുംചേർന്നമാല 

പുഞ്ചിരിതഞ്ചുംചൊടിയിലിരുകയ്യാൽ

പുല്ലാങ്കുഴലൊന്നുചേർത്തുവെച്ച്

മംഗളഗീതമുതിർക്കുവാനാണല്ലോ 

നന്ദകുമാരനൊരുങ്ങിനില്പൂ 

കുഷ്ണാഹരേജയ കൃഷാണാഹരേജയ 

കുഷ്ണാഹരേകൃഷ്ണ നന്ദസൂനോ 

കൃഷ്ണാഹരേജയ കുഷാണാഹരേജയ 

കുഷ്ണാഹരേ വാസുദേവകൃഷ്ണാ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 95

23.05.2024

ഊണുകഴിഞ്ഞുപൊന്നൂഞ്ഞാലിലാടുവാ-

നാണിന്നുകണ്ണനുഭാവം

തൂളുന്നമാരികണ്ടേറെമോദിച്ചാണു

ശ്രീലകേനില്പൂ ഗോവിന്ദൻ

വീതിയിലുള്ളതളയുണ്ടു,പാണിയിൽ 

നീലക്കല്ലുവളയുണ്ട് 

ചോന്നപട്ടൊന്നുഞൊറിഞ്ഞുടുത്തിട്ടുണ്ട് 

മൂന്നുവയസ്സുള്ള കൃഷ്ണൻ 

കിങ്ങിണിയുണ്ടതാ,മാറത്തുമിന്നുന്നു 

മുല്ലമൊട്ടിന്മണിമാല 

തങ്കപ്പതക്കത്തിന്മാലയോടൊത്തൊരു 

*വൃന്ദപ്പൂമാലയും കാണാം

ഗോപീതിലകങ്ങളല്ലോഭുജങ്ങളിൽ

ഗോവിന്ദനുണ്ണിയണിഞ്ഞു 

കാതിപ്പൂവല്ലിന്നുകർണ്ണതടത്തിലും

ഗോപീതിലകം വരഞ്ഞു 

ചന്ദനംകൊണ്ടുമെനഞ്ഞമുഖബിംബേ 

സ്വർണ്ണത്തൊടുകുറികാണാം 

പൊന്നിങ്കിരീടത്തിലുണ്ടുമയിൽപ്പീലി 

ചന്തംനിറഞ്ഞുകാണുന്നു 

കുന്തളമാല്യങ്ങളോടും,വിതാനമാ-

യഞ്ചുപൂമാല്യങ്ങളോടും 

പൊന്നരക്കെട്ടിലാ*വംശിതിരുകിയും

കണ്ണനെകണ്ടുവണങ്ങാം 

കൃഷ്ണാഹരേകൃഷ്ണ കൃഷ്ണാഹരേകൃഷ്ണ

കൃഷ്ണാമുകിൽവർണ്ണ കൃഷ്ണാ

കൃഷ്ണാഹരേകൃഷ്ണ

കൃഷ്ണാഹരേകൃഷ്ണ

കൃഷ്ണാഹരേജയ കൃഷ്ണാ

ഗിരിജ ചെമ്മങ്ങാട്ട് 

*വൃന്ദ=തുളസി

*വംശി=ഓടക്കുഴൽ

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 96

24.05.2024

ഗുരൂവായൂരമ്പലമെത്തീടുമ്പോൾ

മുരളീധരനെ നമുക്കുകാണാം 

തളയിട്ടപാദംപിണച്ചുവെച്ച് 

മധുഗാനംതൂകുന്നപോലെയിന്ന് 

മധുഗാനംതൂകുന്നപോലെയിന്ന്

തളയുണ്ട് കാലിൽ,ചെറുവളകൾ 

കമനീയരൂപനണിഞ്ഞിട്ടുണ്ട് 

അരയിലോഞാത്തുള്ളകിങ്ങിണിയും

അതിനുമേൽചെമ്പട്ടുകോണകവും 

അതിനുമേൽചെമ്പട്ടുകോണകവും

കളഭത്തിൽചാർത്തിയമേനിയിങ്കൽ 

വനമാലരണ്ടല്ലോകാണുന്നുണ്ട്

കനകത്തിന്മുല്ലമുകുളമാല

അഴകൊത്തുചേരുന്നമാങ്ങാമാല 

അഴകൊത്തുചേരുന്നമാങ്ങാമാല

വളയത്തിന്മാല കഴുത്തിലാർന്നും 

കനകാംഗദങ്ങൾ ഭുജത്തിൽചേർന്നും 

ചെവിയിലെപ്പൂവും,തിരുനെറ്റിമേൽ

തിലകക്കുറിയുമണിഞ്ഞുകാണ്മൂ 

തിലകക്കുറിയുമണിഞ്ഞുകാണ്മൂ

കളഭക്കിരീടേയണിഞ്ഞിട്ടുണ്ട് 

അരവിന്ദപുഷ്പത്താൽ കേശമാല 

സരസിജനേത്രനലങ്കാരമായ് 

തുളസിയും തെച്ചിയുംചേർന്നമാല

തുളസിയും തെച്ചിയുംചേർന്നമാല

ഇരുകയ്യാലെ വേണുചുണ്ടിൽചേർത്ത് 

അമൃതനാദത്താൽ ശ്രുതിയുമിട്ട് 

അരികിലെത്തീടുന്നഭക്തർക്കായി

മധുവൈരി,മധുവർഷംപെയ്തിടുന്നു 

മധുവൈരി,മധുവർഷംപെയ്തിടുന്നു

കൃഷ്ണാഹരേകൃഷ്ണ,കൃഷ്ണകൃഷ്ണാകൃഷ്ണാഹരേകൃഷ്ണ,കൃഷ്ണകൃഷ്ണാ

കൃഷ്ണാഹരേകൃഷ്ണ,കൃഷ്ണകൃഷ്ണാ

കൃഷ്ണാഹരേകൃഷ്ണ,കൃഷ്ണകൃഷ്ണാ

കൃഷ്ണാഹരേകൃഷ്ണ,കൃഷ്ണകൃഷ്ണാ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 97

25.05.2024

ശ്രീലകത്തിന്നുകണ്ടീടുന്നുകണ്ണനെ

രാധാസമേതനായല്ലോ

ഓടക്കുഴലേന്തിപാദംപിണച്ചതാ

മാധവൻ നില്ക്കുന്നുണ്ടല്ലോ

കാൽച്ചിലമ്പുണ്ടുചരണങ്ങളിൽ,കരേ

ചാർത്തിയിട്ടുണ്ടു വളകൾ 

ചെമ്പട്ടുമുണ്ടൊന്നരയിൽഞൊറിഞ്ഞിട്ടു 

ചന്തത്തിൽ ചുറ്റിയിട്ടുണ്ട് 

കിങ്ങിണികെട്ടിയിട്ടുണ്ടു,മാറത്തൊരു 

മുല്ലപ്പൂമൊട്ടിന്റെമാല 

തോളിലുമുണ്ടുവളകൾ,ചെവികളിൽ

പൂവുകളോരോന്നുകാണ്മൂ 

തേജസ്സേറീടും മുഖത്തുതൊട്ടിട്ടുണ്ട് 

ഗോപിക്കുറിയൊന്നുകൃഷ്ണൻ 

പീലിയോടൊപ്പമണിഞ്ഞൂകിരീടത്തിൽ തൂവെള്ളപ്പൂമുടിമാല 

ശോണവർണ്ണപ്പട്ടുചേലയുടുത്തിട്ടും

ആഭരണങ്ങളണിഞ്ഞും 

നാഥന്റെതോളിൽതലചായ്ച്ചു,നിർവൃതി-

യോടല്ലോപെണ്മണിനില്പൂ 

രാധികാസാമീപ്യമോദാൽമുരളിയിൽ

പ്രേമസംഗീതം പൊഴിച്ചും 

പൂവണിച്ചുണ്ടാൽമൃദുസ്മിതംതൂകിയും

കോവിലിൽ നിൽക്കുന്നുശൗരി 

കൃഷ്ണാഹരേകൃഷ്ണ കൃഷ്ണാഹരേകൃഷ്ണ

കൃഷ്ണായദുകുലനാഥാ

കൃഷ്ണാഹരേകൃഷ്ണ

കൃഷ്ണാഹരേകൃഷ്ണ

നിത്യാനുരാഗസമ്പൂർണ്ണാ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 98

26.05.2024

ഭീകരനാമൊരുനാഗത്തിന്മേലതാ 

കോമളരൂപനൊരുണ്ണിചാഞ്ചാടുന്നു

മാതാവറിഞ്ഞാണോ,നന്ദകുമാരനീ-

കാളീന്ദിതീരത്തുവന്നുനിൽക്കുന്നുഹാ!

പേവലമാകുംപദങ്ങളിൽമിന്നുന്ന

മോഹനമഞ്ജീരംപൊന്നുകൊണ്ടാണല്ലോ

കൈകളിൽചിഞ്ചിലംപാടുന്നകാപ്പുകൾ 

നന്ദകിശോരനണിഞ്ഞുകാണുന്നല്ലോ 

കോണകമുണ്ട് ചുവന്നപട്ടാണല്ലോ 

കാണവേകണ്ണുകുളിരുകയാണല്ലോ  

കിങ്ങിണികെട്ടിയിട്ടുണ്ടരമേലതു 

തുള്ളിക്കളിക്കുകയെന്നുതോന്നുന്നല്ലോ 

മാറിലൊരുമാങ്ങാമാലയണിഞ്ഞല്ലോ 

കാനനമാലകൾ രണ്ടെണ്ണമാണല്ലോ 

തോളിൽവളയൊത്തുഗോപിപ്പൂവുണ്ടല്ലോ 

കാതിപ്പൂവിന്നുമണിഞ്ഞുകാണുന്നുല്ലോ 

ഫാലേതിളങ്ങുന്നപൊൻകുറിയുണ്ടല്ലോ 

പീലിക്കിരീടേ മുടിമാലയുണ്ടല്ലോ 

താമരമാല വിതാനമായുണ്ടല്ലോ 

താരിളംചുണ്ടത്തുപുഞ്ചിരിയുണ്ടല്ലോ

കുഞ്ഞുവലംകയ്യിലോടക്കുഴൽ,മറു-

കയ്യിലാസർപ്പത്തിൻവാലതുമുണ്ടല്ലോ 

കാളിയന്മേൽമൃദുനർത്തനംചെയ്യുന്ന 

ബാലനെന്നുള്ളിലുംനൃത്തംവെയ്ക്കുന്നല്ലോ !

കൃഷ്ണാഹരേകൃഷ്ണാ

കൃഷ്ണാഹരേകൃഷ്ണാ

കൃഷ്ണാഹരേകൃഷ്ണ

ഗോപബാലാഹരേ

കൃഷ്ണാഹരേകൃഷ്ണാ

കൃഷ്ണാഹരേകൃഷ്ണാ

കൃഷ്ണാഹരേകൃഷ്ണാ

നന്ദസൂനോഹരേ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 99

27.05.2024

പിഞ്ചുകയ്യാലെ വലതുകാൽമെല്ലവേ

ചെഞ്ചോരിവായോടണച്ചുകൊണ്ട് 

തള്ളവിരലുണ്ടുമേവും കിശോരനെ

കണ്ടീടുന്നല്ലോ,കളഭംചാർത്തി 

താഴത്തുതൂക്കിയിട്ടീടുന്നകാലിലും

വായോടുചേർത്ത ചരണത്തിലും

ഓമനപ്പാദസരങ്ങൾകിലുങ്ങുന്നു

പൂവൽക്കരങ്ങളിൽ കാപ്പുകളും 

പൊന്നരഞ്ഞാണമണിഞ്ഞതിന്മീതെയാ-

ചെമ്പട്ടുകോണമുടുത്തിട്ടുണ്ട് 

കുഞ്ഞിക്കഴുത്തിൽ വളയമാല,പിന്നെ 

നന്നേച്ചെറിയൊരു സ്വർണ്ണമാല

മാലകൾക്കല്ലോനടുവിലായ്നല്ലൊരു 

ഗോപിക്കുറിയതും തൊട്ടിട്ടുണ്ട് 

ഓമനക്കുട്ടന്റെ മാറിലണിഞ്ഞല്ലോ

കാണുന്നു കാനനപുഷ്പമാല 

തോളത്തുമുണ്ടല്ലോഗോപീതിലകങ്ങൾ 

കേയൂരഭംഗിക്കുമാറ്റുകൂടാൻ 

കാണാംചെവിപ്പൂ,നിടിലത്തിലകവും

കാർമേഘവർണ്ണനണിഞ്ഞിട്ടുണ്ട് 

പീലികളെല്ലാംകളഭംകൊണ്ടാണല്ലോ 

ഓതിക്കനിന്നുമെനഞ്ഞുകാണ്മു

മൂന്നുമനോരമ്യഹാരങ്ങളാണല്ലോ

നീലച്ചുരുൾമുടിയോടുചേർന്ന് 

ശ്രീലകത്തിന്നുവിതാനമായ്മാല്യങ്ങൾ

താമര,തെച്ചി,തുളസിപ്പൂവാൽ 

കാൽവിരലുണ്ടുചിരിക്കുന്നകണ്ണനോ

ശോഭിച്ചീടുന്നുനെയ്ദീപത്താലെ

കൃഷ്ണാഹരേജയ കൃഷ്ണാഹരേജയ 

കൃഷ്ണാഹരേജയ കൃഷ്ണാഹരേ

കൃഷ്ണാഹരേജയ കൃഷ്ണാഹരേജയ

കൃഷ്ണാഹരേജയ കൃഷ്ണാഹരേ

ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 100

വിഹഗവാഹനനായിട്ടാണിന്ന്

ഗുരുവായൂർപുരമന്ദിരേ 

മരുവുന്നൂ,നാരായണരൂപംപൂണ്ടും

കളഭത്താലെമെനഞ്ഞിട്ടും

*വൈനതേയന്റെ ചിറകിൻതാഴെയായ്

നൂപുരംചേർന്നപാദങ്ങൾ

പാണിരണ്ടിലും മിന്നിക്കാണുന്നു

ഹേമകങ്കണം മോടിയായ് 

*കന്ധരത്തിലണിഞ്ഞുകാണുന്നു 

അഞ്ചുഗോപീതിലകങ്ങൾ 

പൊന്നിൽതീർത്തവളയമാലയും 

വന്യമാലയും കാണുന്നു

തോളിലുമുണ്ടുഗോപിപ്പൊട്ടുകൾ 

മേഘവർണ്ണനുചേരുന്നു 

കാണുന്നുചെവിപ്പൂക്കളും,മുഖേ 

തൂനെറ്റിക്കുറികാന്തിയും 

പൊൻകിരീടത്തിലല്ലോകാണുന്നൂ

നന്മുടിമാലമൂന്നെണ്ണെം

പന്നഗശായിതന്നലങ്കാരം 

എണ്ണിത്തീരാത്തപൂക്കളാൽ 

തൃക്കൈരണ്ടിലും ശംഖുചക്രങ്ങൾ 

മറ്റേക്കൈകളഭയമാം 

മുദ്രയും,വരദാനമുദ്രയും

ചേർത്തുനില്പു മഹാപ്രഭു

കൃഷ്ണകൃഷ്ണ,മുകുന്ദമാധവ 

കൃഷ്ണ,വൈകുണ്ഠനായകാ 

കൃഷ്ണകൃഷ്ണ,കരുണാസാഗര 

കൃഷ്ണ!വിശ്വത്തിൻരക്ഷകാ!

ഗിരിജ ചെമ്മങ്ങാട്ട്

*വൈനതേയൻ=വിനതയുടെമകൻ,ഗരുഡൻ

*കന്ധരം=കഴുത്ത്

 ഗുരുവായൂരപ്പനെ കാണാൻ

മന്നിലെവൈകുണ്ഠവാതിലിലിന്നുഞാൻ

കണ്ണനെ കണ്ടിടാൻ ചെന്നിടട്ടെ 

പൊന്നിൻതളമിന്നുമാ,തൃപ്പദങ്ങളെ 

കണ്ടുകണ്ടങ്ങുഞാൻ നിന്നിടട്ടെ

കങ്കണമിട്ടകരതലം കൈകളാൽ 

മെല്ലെഞാനൊന്നുതഴുകിടട്ടെ 

കിങ്ങിണിചേരുന്നകുഞ്ഞരയുംപട്ടു-

മുണ്ടുചേലുംകണ്ടുകുമ്പിടട്ടെ 

പൊന്നുമാല്യങ്ങളണിഞ്ഞൊരാമാറിടം 

കണ്ണുനിറഞ്ഞൊന്നുകണ്ടിടട്ടെ 

തോളിലെ,കാപ്പുംചെവിപ്പൂക്കളുംതിരു-

ഫാലക്കുറികളുംനോക്കിടട്ടെ 

മാലേയപൂരിതമാസ്യേവിടരുന്ന 

ചാരുഹാസത്തിൽമയങ്ങിടട്ടെ 

കാരുണ്യമേറുംമിഴികളുംശോഭിക്കും

പീലിക്കിരീടവും കൂപ്പിടട്ടെ

ശ്രീലകേ,നെയ്നിറദീപപ്രകാശത്തിൽ 

കാണുന്നകൃഷ്ണനെകൈതൊഴട്ടെ 

വേണുഗാനാമൃതംകേട്ടുമനസ്സിന്റെ നോവുകളെല്ലാം മറന്നിടട്ടെ 

മാമകമാനസമാകുംനവനീതം

ചേണാർന്നവായിൽപകർന്നിടട്ടെ

ഗോപാലകൃഷ്ണന്റെകോമളരൂപത്തെ-

യാപാദകേശംവണങ്ങിടട്ടെ 

ഗിരിജ ചെമ്മങ്ങാട്ട്