ഹരേ..കൃഷ്ണാ...3

തൃക്കയ്യിലുള്ളനവനീതംഭുജിച്ചുമൃദുഹാസംപൊഴിക്കുമധരേ
പുത്തൻമുളങ്കുഴലെടുത്തങ്ങുമാനസമുണർത്തുംസ്വരങ്ങൾപകരാൻ
തൃക്കാൽപിണച്ചു,വനമാല്യങ്ങൾചാർത്തി,പലപൊൻകോപ്പണിഞ്ഞുമഴകായ്
നില്ക്കുന്നകോമളകുമാരന്റെവിഗ്രഹമതെന്നുംമനസ്സിൽവരണേ.....

ഗിരിജ ചെമ്മങ്ങാട്ട്

 ഹരേ...കൃഷ്ണാ...2

പട്ടുചേല ഞൊറിയിട്ടുചുറ്റിയും
കൊച്ചുകയ്യരയിലൊന്നുകുത്തിയും
പൊന്നുവേണുമറുകൈയിലും,ധരി-
ച്ചുള്ളകണ്ണനെ വണങ്ങിടുന്നുഞാൻ
 
     ഗിരിജ ചെമ്മങ്ങാട്ട്

 ശ്രീ ഗുരുവായൂരപ്പന്റെ

ഉച്ചപ്പൂജാലങ്കാരവർണ്ണന 169
25.03.2025

പട്ടുചേലഞൊറിയിട്ടുചുറ്റിയും
കൊച്ചുകയ്യരയിലൊന്നുകുത്തിയും
കൂട്ടരൊത്തുകളിയാടുവാൻ,കുഴൽ-
ചേർത്തുനില്ക്കുമവനെത്തൊഴുന്നുഞാൻ....
ഹരേ....കൃഷ്ണാ...

ഗിരിജ ചെമ്മങ്ങാട്ട്

 

ഹരേ...കൃഷ്ണാ...1

വികൃതികൊണ്ടുമടുത്തുസഹിച്ചിടാ-
തുരലിലമ്മവരിഞ്ഞുമുറുക്കിലും
പതിവുകാര്യമിതെന്നുനടിക്കുമാ-
ഹരിമുഖാംബുജമിന്നുതൊഴുന്നുഞാൻ...
 
ഗിരിജ ചെമ്മങ്ങാട്ട്. 

 ശ്രീ ഗുരുവായൂരപ്പന്റെ

ഉച്ചപ്പൂജാലങ്കാരവർണ്ണന 168
24.03.2025

അരയിൽവേണുവുടക്കിയപോലെയും
കരതലേനവനീതവുമായിഹാ!
ഉരലിൽബന്ധിതനായൊരുകണ്ണ!നിൻ
ചിരിയെഴുംമുഖമിന്നുതൊഴുന്നുഞാൻ...
ഹരേ....കൃഷ്ണാ...

ഗിരിജ ചെമ്മങ്ങാട്ട് 

 ശ്രീ ഗുരുവായൂരപ്പന്റെ

ഉച്ചപ്പൂജാലങ്കാരവർണ്ണന 167
23.03.2025
ഒറ്റക്കൈവിരലാലെയങ്ങൊരു*നഗംപൊക്കിപ്പിടിച്ചും,തളിർ-
തോറ്റീടുംമറുകയ്യിനാൽമുരളിയച്ചുണ്ടത്തുചേർത്തും,മുദാ
ഒറ്റക്കാലുപിണച്ചുവെച്ചുകനകക്കോപ്പുംധരിച്ചിന്നിതാ
കുട്ടിക്കൃഷ്ണനൊരോമനച്ചിരിയുമായ്നില്ക്കുന്നതായ് കാണ്മുഞാൻ
ഹരേ..കൃഷ്ണാ..

ഗിരിജ ചെമ്മങ്ങാട്ട്.
*നഗം=പർവ്വതം

 ശൂലായ്മ

തണ്ടെല്ലിനുംമുട്ടിനുമുള്ളനോവു-
കൊണ്ടിന്നണഞ്ഞില്ലെഴുതാൻതിടുക്കം
*അമ്പത്തിനാലിന്റെപഴക്കമുണ്ടീ-വണ്ടിക്കിതോർത്തങ്ങുപൊറുത്തിടേണം...
                ഗിരിജ ചെമ്മങ്ങാട്ട്.
*1954 മോഡൽ.
ശൂലായ്മ=സുഖമില്ലായ്മ

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 166

20.03.2025

തെല്ലൊന്നിടത്തോട്ടുചെരിഞ്ഞുനില്ക്കും
കൊമ്പന്റെമേലിന്നു,തിടമ്പുമായി
നല്ലോരിണപ്പട്ടുഞൊറിഞ്ഞുടുത്തു
കണ്ണൻവിളങ്ങുന്നൊരുശാന്തിയെപ്പോൽ
ഹരേ..കൃഷ്ണാ....
 
ഗിരിജ ചെമ്മങ്ങാട്ട്. 

 ശ്രീ ഗുരുവായൂരപ്പന്റെ പന്തീരടിപ്പൂജാലങ്കാരവർണ്ണന 165

19.03.2025

കാലൊന്നുമെല്ലവെമടക്കിയിരുന്നു,മറ്റേ-
ക്കാലൊന്നുപൊക്കിയൊരുതിണ്ണയിലങ്ങുമോദാൽ
ആറാടുവാൻകൊതിയുമായൊരുവേണു,കയ്യിൽ-
ച്ചേലോടെചേർത്തുമരുവുന്നവനെത്തൊഴുന്നേൻ...ഹരേ കൃഷ്ണാ....

        ഗിരിജ ചെമ്മങ്ങാട്ട്.
       

 ശ്രീ ഗുരുവായൂരപ്പന്റെ

ഉച്ചപ്പൂജാലങ്കാരവർണ്ണന 164
18.03.2025

പള്ളിവേട്ടയ്ക്കൊരുങ്ങുന്നൊ-
രുണ്ണിയായിന്നുകണ്ണനെ
കണ്ടീടാംകോവിലിൽചെന്നാൽ
കളഭത്തിൽമെനഞ്ഞതായ്

കുട്ടിയാനപ്പുറത്തേറീ-
ട്ടിരിപ്പൂ,കുഞ്ഞുകേശവൻ
കാലിൽതളകൾ,പട്ടിന്റെ-
കോണകം,ഞാത്തുകിങ്ങിണി

പൊന്നുഭൂഷകളൊത്തല്ലോ
വന്യമാല്യങ്ങൾകാണ്മതാ
കാതിലെപ്പൂക്കളും,നെറ്റി-
മേലേ,നല്ലൊരുഗോപിയും

മകുടേ ചേർന്നുകാണുന്നു
പീലികൾ,മുടിമാലകൾ
നെയ് വിളക്കിന്റെനാളത്തിൽ
കാണ്മൂ,സുന്ദരരൂപനെ!

കാലുരണ്ടുമമർത്തീട്ടു-
കാണാമാനച്ചെവിക്കുമേൽ
*"കാലനക്കുന്നൊരാവിദ്യ
ലോകപാലനസാദ്ധ്യമോ?"

ഇടംകയ്യിലെവില്ലൊന്നും
വലംകയ്യിലെയസ്ത്രവും
ഉയർത്തിക്കാട്ടിടുന്നുണ്ടാ-
വീരനായുള്ളമാധവൻ

"എവിടെപ്പോയ്മറഞ്ഞാലു-
മെയ്യുന്നുണ്ടിന്നുപന്നിയെ"
ഏവംനിനച്ചുവാഴുന്നു-
ണ്ടോടുമാനപ്പുറത്തവൻ...

കൃഷ്ണ!കൃഷ്ണ!ഹരേ!കൃഷ്ണാ!
കൃഷ്ണ!ഗോകുലബാലകാ!
കൃഷ്ണ!കൃഷ്ണ!ഹരേ!കൃഷ്ണാ!
രക്ഷയേകമുരാന്തകാ!!

ഗിരിജ ചെമ്മങ്ങാട്ട്.

*ആനപ്പുറത്തിരിക്കുന്നയാൾ ചെവിയുടെതാഴെ,കാലുകൾ അനക്കിയിട്ടാണ് ആനയെ നിയന്ത്രിക്കുന്നത്.

 ശ്രീ ഗുരുവായൂരപ്പന്റെ

ഉച്ചപ്പൂജാലങ്കാരവർണ്ണന163
17.03.2025
ആരാണിന്നുമരുത്പുരത്തിലൊരുകൈത്താരിൽനറുംവെണ്ണയും
കോലപ്പൂങ്കുഴലിമ്പമോടെമറുകൈത്താരിങ്കലുംചേർത്തുമായ്
പീലിപ്പൂ,പലഹേമഭൂഷ,വനമാല്യം,ചുണ്ടിലായങ്ങതാ
കാണുന്നൂ മൃദുഹാസവും,കുസൃതിയും ആരെന്റെഗോപാലനോ...

ഗിരിജ ചെമ്മങ്ങാട്ട്.

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന162

16.03 2025
വെണ്ണപ്പാത്രത്തിൽനിന്നാ,ചെറുകരമതിനാൽവാരിയുണ്ണുമ്പോൾ വായിൽ-
നിന്നുംതാഴേയ്ക്കുവീഴേ,രുചിയൊടുവികൃതിപ്പൈതൽവീണ്ടുംതുടങ്ങും
ഇമ്മട്ടിൽമുട്ടുകുത്തി,ച്ചെറിയൊരു മുരളിത്തണ്ടുചാരത്തുവെച്ച-
ക്കണ്ണൻനില്പതുകാൺകെ,ഹൃത്തടത്തിലുരുകുംദു:ഖങ്ങൾമാഞ്ഞീടുമേ...

ഗിരിജ ചെമ്മങ്ങാട്ട്. 

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 161

15.03.2025

തൃക്കയ്യിടത്തിലൊരുവേണു വലത്തുകയ്യിൽ
പുത്തൻസുഗന്ധമിയലുംനവനീതഭോജ്യം
ഉത്സാഹമോടഥധരിച്ചു,മരുത്പുരത്തിൽ
നില്ക്കുംകുമാരനുടെകാലിൽനമസ്ക്കരിക്കാം...
        ഗിരിജ ചെമ്മങ്ങാട്ട് 

 

ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 160
14.03.2025

തൃക്കരങ്ങളിലൊന്നിലുണ്ടു
മുളംകുഴൽ, മറുകയ്യിലോ
സർപ്പവാലതുമായ്,ഭുജംഗമദത്തെമാറ്റിടുവാനിതാ
മെച്ചമേറിയഭൂഷയാൽ,കളഭത്തിലിന്നുമുരാന്തകൻ
നൃത്തമാടുകയാണുനാഗഫണത്തിൽ,കണ്ടുവണങ്ങിടാം...
 
ഗിരിജ ചെമ്മങ്ങാട്ട്

 മേഥിറൊട്ടി

ഉലുവയിലചെറുതായരിഞ്ഞെണ്ണചൂടാക്കി-
ചെറുതീയിൽതാളിച്ചശേഷം
കടലമാവൊരുതവിയെടുത്തുഗോതമ്പിന്റെ
പൊടിയിലയ്മോദകംചേർത്ത്

ലവണം,മസാലകളുമൊന്നായ്കുഴച്ചൊരേ-
യുരളയാക്കിപ്പരത്തേണം
നറുനെയ്യിൽചുട്ടെടുത്തിട്ടൂണുമേശമേൽചിതമോടെകൊണ്ടുവെയ്ക്കേണം

ഉറതൈരിലുപ്പിട്ടുചുടുചുടേതിന്നവേ-
യറിയാമതിന്നൊത്തരുചികൾ
അറിവോർവിളിക്കുന്നൊ*രുലുവറൊട്ടിക്കില്ല-
യെതിരൊന്നുമെന്നാണുകേൾവി!

ഗിരിജ ചെമ്മങ്ങാട്ട്.
ഉലുവറൊട്ടി=*മേഥിറൊട്ടി

          ചാമ്പയ്ക്ക

മുറ്റത്തെ ചാമ്പയിൽനിന്നുനന്നായ്-
മൂത്തപഴങ്ങൾ കുലുക്കിവീഴ്ത്തി
ബക്കറ്റിലിട്ടുകഴുകിടേണം
വിത്തുംകരടുംകളഞ്ഞിടേണം

വൃത്തിചേർന്നുള്ളതുണിയിലിട്ട്
കത്തുംവെയിലത്തുണക്കിടേണം
ഉച്ചതിരിഞ്ഞാലടുപ്പൊരുക്കി-
വെയ്ക്കണംപാത്രത്തിലെണ്ണവീഴ്ത്തി
ഇട്ടീടണംപിന്നുണക്കിവെച്ചു-
മെച്ചമാക്കിത്തീർത്തചാമ്പക്കകൾ
ചട്ടുകംകയ്യിലെടുത്തിളക്കി-
നില്ക്കണമൊട്ടുംമടുത്തിടാതെ
'ശൂശു'കൾകേട്ടിടാതായിടുമ്പോൾ
ഗ്യാസുതാഴ്ത്തേണം കെടുത്തിടേണം
ചേർക്കണമുപ്പും,മുളകുമെല്ലാം
നേർത്തെപൊടിയാക്കിവെച്ചതല്ലോ
കൂട്ടത്തിലിട്ടിടാംകായമപ്പോൾ
കൂട്ടാമൊരുരുചിവന്നിടാനായ്
അയ്യോ!മറക്കാതുലുവപ്പൊടി
മെല്ലവേചേർത്തങ്ങിളക്കിടേണം
ചൂടാറുവാനായിവെച്ചിടേണം
ആറിയാൽകുപ്പിയിലാക്കിടേണം
ചാമ്പയ്ക്കയെണ്ണേൽവറുത്തുവെങ്കിൽ
വേണ്ട്വോളംകാലമെടുത്തുവെയ്ക്കാം
ഉണ്ണാനിരിക്കിലിടങ്ങഴിച്ചോ-
റുണ്ണുന്നകാര്യമുറപ്പുനൽകാം...

ഗിരിജ ചെമ്മങ്ങാട്ട്.

 ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 159

02.03.2025

ഇടത്തുകയ്യിൽ മേനിയോടുചേർത്തുവെച്ചതാംകുടം
നിറച്ചുവെണ്ണയാണു വാരിവാരിയുണ്ണുവാൻമുദാ
ഒരുങ്ങിനിന്നിടുന്നകണ്ണനുണ്ണിയെത്തൊഴാം,മനം-
നിറഞ്ഞഭക്തിയോടെനാമമായിരം ജപിച്ചിടാം...
        
ഗിരിജ ചെമ്മങ്ങാട്ട്. 

 ശ്രീ ഗുരുവായൂരപ്പന്റെ 

ഉച്ചപ്പൂജാലങ്കാരവർണ്ണന 158

01.03.2025

 ഉണ്ണിക്കയ്യിലൊരുർളവെണ്ണ,മറുകൈത്താരിൽമുളമ്പൂങ്കുഴൽ

മെയ്യിൽഗന്ധമുതിർത്തിടുന്നപുതുതാംമാല്യങ്ങൾ,പൊൻപീലികൾ

പൊന്നിൻഭൂഷകളിട്ടു,ഗോപിതിലകംതൊട്ടിട്ടു,മന്ദസ്മിതം-

ചുണ്ടിൽകാട്ടി,വിളങ്ങിടും മുരഹരാ

കൂപ്പുന്നുഞാനിന്നിതാ...

 ഗിരിജ ചെമ്മങ്ങാട്ട്