ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 65

23.04.2024

കൃഷ്ണപ്രസാദോയ്ക്കനൊരുക്കിനന്നായ് 

കൃഷ്ണന്റെരൂപം,ഗുരുമന്ദിരത്തിൽ 

മേൽശാന്തിനമ്പൂതിരി ഭക്തിയോടെ

പാൽപ്പായസംചേർത്തുനിവേദ്യമേകി 

കാലിൽത്തള,കുഞ്ഞരമേലരഞ്ഞാൺ 

പാണിദ്വയത്തിൽപുതുതായകാപ്പും

കൗപീനമോടുംചെറുകുമ്പയോടും

കാണുന്നുമന്ദസ്മിതഭാവമോടെ 

മാറത്തണിഞ്ഞുണ്ടൊരുമുല്ലമൊട്ടിൻ-

മാലയ്ക്കുമേലേയൊരുകണ്ഠമാല 

ഓമൽക്കുമാരന്നഴകൊത്തു,നന്ത്യാർ-

പ്പൂതെച്ചിയോടൊത്തൊരുവന്യമാല 

കാതിൽക്കുണുക്കും,ഭുജകങ്കണങ്ങൾ 

ചേരുന്നതോളും,വലുതായപൊട്ടും

പീലിപ്പൊലിപ്പുള്ളകിരീടമൊന്നിൽ 

ചേരുന്നമട്ടിൽമുടിമാലരണ്ടും 

കാണുന്നുതൃക്കയ്യതിൽവേണുകൂടാ-

തേയുണ്ടുചോന്നുള്ളൊരുതാമരപ്പൂ 

*കാവിന്നിടംകയ്യരമേലെകുത്തി

മേവുന്നു*കാവിൽചിരിയോടെനന്നായ്

കണ്ണന്റെചാരത്തുവിളങ്ങിനിൽപ്പൂ 

നമ്പൂരിപൂജിച്ച,മരപ്രഭൂ താൻ

ഒന്നുംപിഴയ്ക്കാ,തെഴുതീടുവാനാ-

യെന്നിൽപ്രസാദിച്ചരുളേണമെന്നും 

പാലാഴിവാസാ കരുണാർദ്രചിത്താ 

പാപങ്ങൾനീക്കിത്തുണയേകിടേണേ

ദീനർക്കുനാഥാ ദയതന്റെദേവാ

ഗോപാലകൃഷ്ണാശരണംതരേണേ 

ഗിരിജ ചെമ്മങ്ങാട്ട്

*കാവ്=ചെറിയകുട്ടി,*കാവിൽ=അമ്പലത്തിൽ