ശ്രീ ഗൂരുവായൂരപ്പന്റെ ഉച്ചപ്പൂജാലങ്കാരവർണ്ണന 66(2)

24.04.2024

കക്കാട്ട് കുഷ്ണപ്രസാദാണുകണ്ണനെ-

യുച്ചപ്പൂജക്കായിയിന്നൊരുക്കി

മേൽശാന്തിയാകും മധുസൂദനനുണ്ണി-

ക്കേശവനിന്നുനിവേദ്യമേകി

കാൽത്തളകാണുന്നു,കൈകളിൽ കങ്കണം

നേർത്തൊരരയിൽകസവുമുണ്ട്

മുണ്ടിന്മേൽചേർത്തുമുറുക്കിയപോലെയ-

ക്കിങ്ങിണികാണാംതിളക്കമോടെ 

മാറത്തുമുല്ലമുകളപ്പൊന്മാലയായ് 

ചേരും കഴുത്തിലെ മാലയൊന്നും 

തോളത്തൂകാപ്പും ചെവിയിൽ പ്രസൂനവും

മാലേയനെറ്റിയിൽ സ്വർണ്ണപ്പൊട്ടും 

പീലിത്തിരുമുടിക്കെട്ടിൽ പൂമാലയും 

ചേരുമലങ്കാരമാല്യങ്ങളും 

കോവിൽവിളക്കിന്റെശോഭയിൽകൃഷ്ണനെ 

കാണാമധരസ്മിതങ്ങളോടെ 

തന്നിടംകയ്യിലെ,ശ്ശംഖിൽനിന്നുംമന്ത്ര-

പുണ്യാഭിഷേകജലംതുള്ളിയായ് 

മെല്ലവീഴുന്നുതിടമ്പിലാരെയിന്നു 

പങ്കജനേത്രനാരാധിക്കുന്നു !

ഉണ്ണിക്കഴുത്തിലണിഞ്ഞതെച്ചിപ്പൂവും 

വെള്ളമന്ദാരംതുളസിപ്പൂവും 

ചന്തത്തിൽചേർത്തുകൊരുത്തതെൻതോഴി-

യാണെന്നുകാണുന്നുഞാൻ  ഭക്തിയോടെ 

എന്നെങ്കിലുമൊരുനാളിൽനിന്മുന്നിലായ് 

വന്നുനിന്നീടുമേരണ്ടുപേരും

നൽകണേഞങ്ങൾക്കൊരുവരം,മക്കൾക്കാ-

യെന്നുമായുസ്സുമാരോഗ്യവുംനീ

ഗിരിജ ചെമ്മങ്ങാട്ട്