ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 71

29.04.2024

കൂർമ്മാവതാരത്തിലാണല്ലോകണ്ണനെ 

കോവിലിലോതിക്കനിന്നൊരുക്കി 

താഴെയൊരാമ,യരക്കുമേലോപ്രഭു-

നാരായണരൂപമായിക്കൊണ്ട്

ശംഖുചക്രങ്ങൾഗദാപദ്മമെല്ലാമേ

കണ്ടിടുന്നു,തൃക്കൈനാലിലുമായ് 

പണ്ടങ്ങളുണ്ടുകഴുത്തിൽ,ചെവിപ്പൂവും

സ്വർണ്ണത്തിലകവും കാണുന്നുണ്ട് 

പൊന്നിൻകിരീടവും പൂമാലച്ചന്തവും 

നെയ്ദീപനാളത്തിൽ കാണുന്നുണ്ട്

പുഞ്ചിരിതൂകുമധരവുംകണ്ണിലെ

തിങ്ങും കരുണയും കാണുന്നുണ്ട് 

വെള്ളത്തിലന്നാണ്ടുപോയൊരുമേരുവെ

ശങ്കിക്കാതേവന്നെടുക്കുമ്പോലെ 

മന്നിലൊരാശ്രയമില്ലാത്തദീനരെ-

യൊന്നുദ്ധരിക്കണേ,ഭൂമീകാന്താ 

നാരായണാഹരേ നാരായണാഹരേ 

നാരായണാഹരേനാരായണാ 

നാരായണാഹരേ നാരായണാഹരേ 

നാരായണാഹരേ നാരായണാ 

ഗിരിജ ചെമ്മങ്ങാട്ട്