ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 75

03.05.2024

ശ്രീലകത്തിന്നുവിളങ്ങുന്നുകേശവൻ 

പൂജകഴിഞ്ഞുള്ളൊരാമോദത്തിൽ 

പാദേ,കനകത്തളയണിഞ്ഞിട്ടുണ്ട് 

പാണിയിലുണ്ടല്ലോകങ്കണങ്ങൾ 

കിങ്ങിണിചേരുന്നകുമ്പമേലുണ്ടല്ലോ 

ചെമ്പട്ടുകോണമുടുത്തുകാണ്മു 

മാറത്തൊരുമാങ്ങാമാലകഴുത്തിലോ 

ചേരുന്നൂ,നല്ലവളയമാല 

മാലകളൊത്തുപതിച്ചല്ലോകാണുന്നു 

ഗോപീതിലകംതിളങ്ങിക്കൊണ്ട് 

ഗോവിന്ദനുണ്ണിക്കുതോളത്തുമുണ്ടല്ലോ 

ഗോപിപ്പൊട്ടൊന്ന്,വളപോരാഞ്ഞോ ?

മിന്നുംചെവിപ്പൂവും,ചന്ദനനെറ്റിയിൽ 

സ്വർണ്ണക്കുറിയുമണിഞ്ഞിട്ടുണ്ട് 

നന്ദകിശോരന്റെമൗലിയിലുള്ളൊരു 

തങ്കക്കിരീടത്തിനെന്തുചന്തം!

തന്നിടംകയ്യിലാണോടക്കുഴലിന്ന്

കണ്ടൂവലംകരേഗോപിപ്പൂവ് ഭൂഷയണിയിക്കുംനേരത്തുമാതാവോ-

ടാശിച്ചുവാങ്ങിയതാണെന്നാവാം

കോവിലിനുള്ളിലെനെയ്ദീപകാന്തിയിൽ 

കാണാംഗോപാലനാംബാലകനെ

ചാരത്തണയുന്നനമ്മളെയെന്നെന്നും 

നേരായ്നടത്തുവാനെന്നപോലെ 

കൃഷ്ണാഹരേകൃഷ്ണ കൃഷ്ണാഹരേകൃഷ്ണ

കൃഷ്ണാഭൂലോകത്തിനേകനാഥാ 

കുഷ്ണാഹരേകൃഷ്ണ

കൃഷ്ണാഹരേകൃഷ്ണാ

സച്ചിതാനന്ദസ്വരൂപകൃഷ്ണാ

ഗിരിജ ചെമ്മങ്ങാട്ട്