ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 66 (1)

24.04.2024

കാണുന്നൂകണ്ണനിന്നുപതിവായോതിക്കനാൽചന്തമായ്-

ക്കാണുന്നൂകളഭത്തിൽ,ഗുരുവായൂരുള്ള ശ്രീകോവിലിൽ 

കാണാംപൊൻതള,കയ്യിലഴകിൽക്കാണുന്നുപൊൻകങ്കണം 

കാണാംകിങ്ങിണി,ചോന്നകസവിൻമുണ്ടുംധരിച്ചങ്ങനെ

മാറത്തുണ്ടൊരുമുല്ലമുകുളംകൊണ്ടുള്ളമാല്യം,കഴു-

ത്തോളംചേർന്നൊരുമാല,ചെവിയിൽപ്പൂവും,ഭുജക്കാപ്പുമായ് 

മാലേയത്തിരുനെറ്റിതിലകം,പീലിക്കിരീടംമുടി-

പ്പൂവിൻമാലയുമുണ്ടു,മഴവിൽച്ചേലെന്തുചേലെന്നപോൽ 

കണ്ണൻതാനൊരുകയ്യരയിലായ്ചേർത്തും,ഇടംകയ്യിലായ്

പൊന്നിൻശംഖവുമുണ്ടുജലധാരയ്ക്കായ് തിടമ്പൊന്നതാ 

ശങ്കിപ്പൂ,തിരുമാറിലഴകിൽക്കാണുന്നമാല്യം,ഹരേ

നന്നായ്കെട്ടിയതെന്റെ*സഖിയാണല്ലേ,മുരാരേ,പ്രഭോ!

ഗിരിജ ചെമ്മങ്ങാട്ട് 

*സഖി=മഞ്ജുള