ശ്രീ ഗുരുവായൂരപ്പന്റെ ഉച്ചപ്പൂജാലങ്കാരവർണ്ണന 87

15.05.2024

ശ്രീലകത്തിന്നുഭഗവാനെകണ്ടീടാം 

നാരായണപ്രഭൂരൂപംപൂണ്ട് 

നാലുതൃക്കൈകളിൽശംഖുചക്രംഗദാ-

താമരപ്പൂവതുമേന്തിക്കൊണ്ട് 

ശംഖുചക്രങ്ങൾകനകംകൊണ്ടാണല്ലോ

ചന്ദനംകൊണ്ടേഗദകാണുന്നു 

ചെന്താമരസൂനം നാലാംകരത്തിലും

മന്ദഹാസപ്പൂക്കൾ ചെഞ്ചുണ്ടിലും 

കാൽത്തള,കൈവള,തോൾവള,കാതിപ്പൂ

മാറ്റോടെ,വിഷ്ണുവണിഞ്ഞിട്ടുണ്ട് 

മഞ്ഞക്കസവുപൂഞ്ചേലഞൊറിഞ്ഞിട്ടു 

കിങ്ങിണിമീതെയണിഞ്ഞിട്ടുണ്ട് 

മാറത്തുമുല്ലമുകുളത്തിന്മാലയു-

മാരണ്യമാലയും കാണുന്നുണ്ട് 

ഫാലതടത്തിൽകുറിയും,കിരീടത്തിൽ 

പീലികൾമൂന്നെണ്ണംചൂടീട്ടുണ്ട് 

പീലികളോടൊത്തുകാണുന്നു മൗലിയിൽ 

താമരപ്പൂവിന്റെ കേശമാല 

കണ്ണനേറെപ്രിയംചേർന്നതുളസിയാ-

ലഞ്ചാറുമാലവിതാനമായി 

ദുഷ്ടസംഹാരംനടത്തി ജഗത്തിലെ 

ശിഷ്ടസംരക്ഷണംചെയ്യുവാനായ് 

വിഷ്ണൂരൂപംപൂണ്ടുശ്രീലകേനിൽക്കുന്നു വിഷ്ണുനാരായണമൂർത്തിയായി

നാരായണാ ഹരേ നാരായണാ ഹരേ 

നാരായണാ ഹരേ നാരായണാ 

നാരായണാ ഹരേ നാരായണാ ഹരേ

നാരായണാ ഹരേ നാരായണാ

ഗിരിജ ചെമ്മങ്ങാട്ട്